🙈🙉🙊 ಜಗದೊಳು ಇದ್ದರೇನೋ, ಇರದಿದ್ದರೇನೋ? 🙀
ಮುದದಿ ಮಾಂಗಲ್ಯವನು ಕಟ್ಟಿ, ಮರುದಿನವೇ ತೌರಿಗೆ ಅಟ್ಟಿ,
ಪರಸತಿಯೊಳು ಮನವಿಟ್ಟಿ, ಆಕೆಯ ಅಂಗಾಂಗಗಳ ಮುಟ್ಟಿ,
ತೊಡೆಯ ತೋರುತ ತಟ್ಟಿ, ನಿಲ್ಲುವ ಈ ಮಲ್ಲ ಜಗಜಟ್ಟಿ,
ಜಗದೊಳು ಇದ್ದರೇನೋ, ಇರದಿದ್ದರೇನೋ?
ಮದಿರೆಯ ಹವ್ಯಾಸಿ, ಮಾನಿನಿಯ ಸಹವಾಸಿ, ಹೆಸರಿಗೆ
ಸನ್ಯಾಸಿ,
ಬೆವರಿಳಿಸಿ, ಗಳಿಸಿ ಬಂಗಾರದ ಪದಕ, ವ್ಯರ್ಥ ಅಲೆಯುವ
ಯುವಕ,
ಬಂದಾಗ ಕಷ್ಟ ಕಾರ್ಪಣ್ಯಗಳ ಸಮಯ, ದೂರ ಹೋಗುವ ಗೆಳೆಯ,
ಜಗದೊಳು ಇದ್ದರೇನೋ, ಇರದಿದ್ದರೇನೋ?
ಕಲಿತು ನೂರಾರು ತಂತ್ರ, ಹಾಕುತ ಗುರುವಿಗೇ ತಿರುಮಂತ್ರ,
ಮೂಗಿಗೇರಿಸುತ ನಶ್ಯ, ಗುರುವಿನ ಕಾಲನೆಳೆಯುವ ಶಿಷ್ಯ,
ಮತ ಪಡೆವಾಗಿನ ತವಕ, ಹಿತ ಮರೆತು ಮೆರೆವ ಈ ನಾಯಕ,
ಜಗದೊಳು ಇದ್ದರೇನೋ, ಇರದಿದ್ದರೇನೋ?
ಅತ್ತೆ ಮಾವಂದಿರ ಅನವರತ ಅಳಿಸಿ, ಕುಣಿವಂತ ಸೊಸಿ,
ಅಪ್ಪ ಅಮ್ಮಂದಿರ ಹತ್ರ, ಎಂದೂ ಬಾರದ ಸುಪುತ್ರ,
ನುಡಿಯುತ್ತಾ ನಾರಾಯಣ, ನಿತ್ಯ ಮಾಡುತ್ತಾ ಹಗರಣ,
ಜಗದೊಳು ಇದ್ದರೇನೋ, ಇರದಿದ್ದರೇನೋ?
ರಚನೆ: ಡಾ. ಪ್ರಭಾಕರ್ ಬೆಲವಾಡಿ
ಶ್ರೀ ಶಾರ್ವರಿನಾಮ ಸಂವತ್ಸರ, ಉತ್ತರಹಳ್ಳಿ, ಬೆಂಗಳೂರು.
ಕ್ಯಾಂಪ್ ಹೈದರಾಬಾದ್.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ